You are using an outdated browser

In order to deliver the greatest experience to our visitors we use cutting edge web development techniques that require a modern browser. To view this page please use Google Chrome, Mozilla Firefox or Internet Explorer 11 or greater

Babeslea: Babesle: Fundaciu00f3n BBVA
Babeslea: Babesle: Fundaciu00f3n BBVA

Artista

Louise Bourgeois
París, 1911 - New York 2010

Louise Bourgeois beraren etxean, 1995ean, aulki elektriko batean eserita; gerora Igarobide arriskutsua (Passage Dangereux, 1997) lanean erabili zuen.
Argazkia: © The Easton Foundation / VEGAP, Madril

10s

1911 Irailaren 25ean jaio zen Parisen.

20s

1923 Laguntzen hasi zen bere gurasoen tapizeria-tailerrean.

30s

1932 Baccalauréat-a (bigarren hezkuntzako ikasketak) bukatu zuen eta Sorbonan matrikulatu zen matematikak ikasteko. Hurrengo urteetan, Parisko hainbat arte-eskoletara joan zen, tartean direla École des Beaux- Arts, Académie de la Grande-Chaumière eta École du Louvre, eta hainbat artistaren estudioetan lan egin zuen: Roger Bissière, André Lhote eta Fernand Léger. Urte horretan, bidaia garrantzitsu bat egin zuen Sobiet Batasunera.

1938 New Yorkera alde egin zuen arte-historiaren irakasle Robert Goldwater-ekin ezkondu ondoren eta Art Students League-n matrikulatu zen, bertan bere arte-ikasketak jarraitzeko.

40s

1941 Formatu handiko bere lehenengo eskulturak sortu zituen.

1945 New Yorkeko Bertha Schaefer Gallery-n bere lehenengo bakarkako erakusketa egin zuen. Documents France 1940–1944: Art-Literature-Press of the French Underground erakusketaren komisario-lanak egin zituen Norlyst Gallery-n, Marcel Duchamp-en lankidetzaz. Haren lana Whitney Annual, New Yorkeko Whitney Museum of American Art-en egon zen ikusgai.

1947 He disappeared into complete silence grabatu- eta testu-saila argitaratu zuen.

1949 New Yorkeko Peridot Gallery-n bere lehenengo bakarkako eskultura-erakusketa egin zuen.

50s

1951 AEBko herritartasuna hartu zuen.

1954 American Abstract Artists taldera bildu zen.

60s

1966 Lucy Lippard kritikari eta komisarioak Fischbach Gallery-ko Eccentric abstraction erakusketan sartu zuen haren lana (New York).

70s

1970 AEBko mugimendu feministan zuzenean inplikatu zen.

1973 National Endowmnet for the Arts beka jaso zuen (Washington).

1977 Arteko Honoris Causa doktore izendatu zuten Yale Univertsitatean.

80s

1981 American Academy of Arts and Sciences-eko kide aukeratu zuten (New York).

1982 Bere lanaren lehenengo atzera begirako erakusketa handia egin zuen New Yorkeko Museum of Modern Art-en (MoMA) eta, gero, AEBko beste museo batzuetara eraman zuten.

1983 New Yorkeko American Academy of Arts and Letters-eko kide aukeratu zuten. Officier de l'Ordre des Arts et des Lettres izendatu zuen Frantziako Kultura Ministerioak.

1985 Lehenengo bakarkako erakusketa egin zuen Frantzian, Galerie Maeght-Lelong-en: bere obraren atzera begirakoa 1947tik gaurdaino. Londresko Serpentine Gallery-n egon zen erakusgai. Eskulturako Skowhegan Domina jaso zuen.

1988 Amsterdam-eko Museum Overholland-ek haren marrazkien atzera begirako zabala egin zuen. Cincinnati-ko Taft Museum of Art-ek Louise Bourgeois erakusketa antolatu zuen eta, gero, hainbat museotatik eraman zuten ibiltari, tartean Laguna Gloria Art Museum-a (Austin, Texas).

1989 Frankfurter Kunstverein-ek (Frankfurt) atzera begirako erakusketa egin zuen eta, bertan, 160 lan bildu ziren; Europako askotariko museoetatik eraman zituzten gero, tartean Fundació Antoni Tàpies, Bartzelonan. College Art Association-ek Distinguished Artist Award for Lifetime Achievement saria eman zion. American Academy and Institute of Arts and Letters-ek Gold Medal domina eman zion.

90s

1990 Sculpture Center Award for Distinction in Sculpture 1990 jaso zuen, New Yorkeko Sculpture Centerek emanda.

1991 Lifetime Achievement Award jaso zuen, International Sculpture Center-ek emanda (Washington). Grand Prix National de Sculpture eman zion Frantziako Kultura Ministerioak.

1993 Ameriketako Estatu Batuak ordezkatu zituen XLV Biennale di Venezian (Venezia).

1994 New Yorkeko Museum of Modern Art-ek (MoMA) paper gaineko lanen atzera begirako erakusketa egin zuen eta, gero, Europako beste museo batzuetara eraman zuten, tartean Bibliothèque Nationale (Paris). Louise Bourgeois: The Personages erakusketa inauguratu zen Saint Louis Art Museum-en (Saint Louis) eta, gero, AEBko beste museo batzuetara eraman zuten. NORD/LB Art Prize esleitu zioten.
1995 Louise Bourgeois: Pensée Plumes erakusketa inauguratu zen Musée national d'art moderne, Centre Georges Pompidou-n, Paris.

1997 Frantziako Gobernuaren mandatuz, Toi et moi pieza instalatu zen Parisko Bibliothèque Nationale-n. AEBko presidenteak National Medal of Arts eman zion.

1998 New Yorkeko Whitney Museum of American Arten egon zen erakusgai (New York).

1999 XLIII Biennale di Venezia, Urrezko Lehoia jaso zuen (Venezia) bere ibilbidearen aitortzan. Eskulturako Praemium Imperiale esleitu zioten, Japan Art Associationek emanda.

00s

2000 Tate Modern-ek areto berri bat inauguratu zuen (Turbine Hall) artistaren tamaina handiko instalazio bat zuela. Akademie der Bildenden Künste Wien-eko Ohorezko Kide izendatu zuten (Viena).

2001 Guggenheim Bilbao Museoan egon zen erakusgai museoak tamaina handiko Maman, 1999 pieza erosi zuela eta: museoaren kanpoaldeetan instalatu zen. San Petersburgeko Hermitage Museum-ek haren lanen atzera begirako erakusketa egin zuen.

2002 Kassel-eko (Alemania) Documenta 11n parte hartu zuen (Alemania). 2003 Wolf Foundation Prize in the Arts jaso zuen.

2005 Kunsthalle Wien-en egon zen erakusgai (Viena).

2006 La famille erakusketa inauguratu zen Kunsthalle Bielefeld-en (Bielefeld, Alemania).

2007 Veneziako LII Biennale di Venezian parte hartu zuen, baita International Incheon Women Artist's Biennal-en (Incheon, Hego Korea). Artistari buruzko atzera begirako erakustaldia inauguratu zen Tate Modern-en (Londres) eta, gero honetara bidaiatu zuen: Musée national d'art moderne, Centre Georges Pompidou (Paris), Solomon R. Guggenheim Museum (New York), Museum of Contemporary Art (MOCA, Los Angeles) eta The Hirshhorn Museum (Washington).
2008 Louise Bourgeois per Capodimonte erakusketa egin zuen Museo Nazionale di Capodimont-en (Napoli) eta, bertan, Cells saileko bere bi lan berri egon ziren erakusgai, aurrez inoiz ez ikusiak. Zurich-eko Hauser & Wirth-ek Louise Bourgeois La Rivière Gentille erakusketa aurkeztu zuen. artistaren testuak eta irudiak tartekatzen dituzten paperezko 42 lan erakutsi ziren.

2009 Hirshhorn Museum-en eta Sculpture Gardenen egon zen erakusgai (Washington), eta Austin Museum of Art-eko (AMOA) The Lining of Forgetting: Internal and External Memory in Art talde erakusketan (Austin, Texas) parte hartu zuen.

2010 Veneziako Fondazione Emilio e Annabianca Vedova-n Louise Bourgeois The Fabric Works inauguratu zen, ehunez egindako obrak ikusgai jarriz, ondoren Londresko Hauser & Wirth-en eta New Yorkeko Cheim & Read-en ikusi ahal izan zena. Hainbat obra sortu zituen Tracey Emin artistarekin elkarlanean, New Yorkeko Carolina Nitsch galerian, Do Not Abandon Me erakusketan ikusgai jarri zirenak. 98 urte zituela hil zen New Yorken. Hil ondoren, Ottawako National Gallery of Canada-n erakusketa bat inauguratu zuen artistaren omenez.

Cookien erabilera

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu.
Konfigurazioa aldatu edo informazio gehiago eskura dezakezu gure cookien politika orrialdean